RU 
EN 
“Səngərsiz Döyüş” – RDM-in Vətən Müharibəsindəki Səhiyyə Cəbhəsi
Respublika Diaqnostika Mərkəzi (RDM), 44 günlük Vətən Müharibəsində göstərilən fədakar tibbi xidmətləri sənədləşdirən “Səngərsiz Döyüş” sənədli filmini təqdim edir.
Bu film, cəbhənin görünməyən tərəfində – hospitallarda, əməliyyat otaqlarında və təxliyə mərkəzlərində gecə-gündüz çalışan həkimlərin və tibbi personalın qəhrəmanlığını əks etdirir.
“Səngərsiz Döyüş”də RDM-in mütəxəssislərinin şəxsi xatirələri, çətin anları və insan həyatı uğrunda apardıqları mübarizələr əks olunur. Bu sənədli film həm tarixdir, həm də vətənə sədaqətin bariz nümunəsidir.
RDM olaraq şəhidlərimizə rəhmət, qazilərimizə şəfa diləyir, bu şərəfli yolda iştirak edən hər kəsə təşəkkür edirik.
Qarabağ Azərbaycandır!
RDM — Sağlamlığınızın Ünvanı
