Neyrofiziologiya

Neyrofiziologiya fiziologiyanın sinir sistemi ilə məşğul olan hissəsidir. Mərkəzi sinir sistemində və əzələ sistemində baş verən problemlərin diaqnozuna kömək edir. Neyrofiziologiya, digər biologiya elmləri kimi, multidissiplinar bir elmdir.

Neyrofiziologiya və nevrologiya arasındakı ən əhəmiyyətli fərq odur ki, nevrologiya müalicəyə daha çox diqqət yetirən , neyrofiziologiya isə diaqnoza daha çox üstünlük verən sahələrdir.

Mərkəzimizdə həyata keçirilən neyrofizioloji xidmətlər:

Video EEQ (Elektroensefaloqrafiya) monitorinqi 

• Rutin video EEQ monitorinq çəkilişləri
• Gündüz (1-4 saat) və gecə yuxusu (4-8 saat) zamanı video EEQ monitorinq çəkilişləri
• Uzunmüddətli sutka ərzində palata şəraitində video EEQ monitorinq çəkilişləri
• Klinikadan kənar ev şəraitində və digər klinikalarda intensiv terapiya şöbələrində EEQ çəkilişi

ENMQ (elektroneyromioqrafiya) müayinələri

• Stimulyasion EMQ
• İynəli EMQ 
• Dekrement test - Repetativ stimulyasiya
• Facial (üz) EMQ müayinəsi və Blink reflex

Çağırılmış potensiallar

• VEP Pattern - Çağırılmış görmə potensialları
• SEP - Somatosensor çağırılmış potensiallar

Müayinə olunan xəstəliklər:

EEQ müayinəsi ilə

• Epilepsiya (bütün yaş dövrləri üçün tətbiq olunur)
• Neonatal qıcolmalar, uşaqlarda və böyüklərdə epileptik tutmalar, ensefalopatiyalar, müxtəlif paroksizmal hallar,
  enurez, baş ağrıları, tiklər, nitq geriliyi, autizm və s. 
• Bayılma, sinkopa, non epileptik paroksizmal hallar.
• Koma, beyin ölümü

ENMQ müayinəsi ilə

• Mononeyropatiyalar, üz siniri neyropatiyası
• Tunel sindromlar - Karpal tunel sindromu, Kubital tunel sindromu, Giyon kanalı sindromu, Fibulyar tunel sindromu, Tarzal tunel sindromu və s.
• Polineyropatiyalar-irsi, metabolik, infeksion, toksik, autoimmun - Giyyen Barre sindromu və s.
• Pleksopatiyalar - bazu pleksiti, radikulopatiyalar
• Miopatiyalar, polimiozit
• Moto-neyron patalogiya - ALS
• Miasteniya

Çağırılmış potensiallar ilə

• Demielinizəedici xəstəliklər, dağınıq skleroz
• Optik nevrit