Təcili Tibbi Yardım

Xaricdə uzunmüddətli ixtisaslaşma keçmiş və zəngin iş təcrübəsi qazanmış Təcili Tibbi Yardım şöbəsinin həkim heyəti pasiyentlərə, keyfiyyətli və zamanında təcili tibbi yardım göstərir, ehtiyac olarsa hospitala daşınmasını təmin edir, monitorinq və reanimasiya tədbirlərini keyfiyyətlə həyata keçirir.

Bu şöbənin ambulans və ilk yardım otaqları beynəlxalq JCI standartlarına uyğun olaraq ən müasir tibbi avadanlıqla təchiz olunub. Bu, aşağıdakılara imkan verir:

• diaqnostik və müalicəvi prosedurların tez və keyfiyyətlə aparılması;
• pasiyentlərin daşınması zamanı monitorinq və reanimasiya tədbirlərinin icra olunması.

Respublika Diaqnostika Mərkəzinin Təcili Tibbi Yardımına məxsus 913 nömrəli çağrı mərkəzi 24 saat əhalinin xidmətindədir. Öz bilik və bacarıqlarını daima yeniləyən ambulans heyəti təcili yardım üçün müraciət edən xəstələrə dəqiqələr ərzində həyati vacib tibbi xidmət göstərmək qabiliyyətindədir.

İstədiyiniz təqdirdə təcili tibbi yardım xidməti ev və ya ofisinizdə portativ aparatla diaqnostik EKQ və laborator müayinələri həyata keçirə bilər.

Peşəkar tibbi personalımız, ağırlıq dərəcəsindən asılı olmayaraq, pasiyentlərin Respublikamızın istənilən yerindən xəstəxanamıza, ehtiyac olarsa isə ölkə xaricinə təxliyəsini təmin edir.