Respublika Diaqnostika Mərkəzi və onun Həmkarlar İttifaqı Komitəsinin təşkilatçılığı ilə Şuşa, Xankəndi, Ağdam və Xocalı şəhərlərinə səyahət edilib.

Dövlət Suverenliyi Günü və Xankəndi, Xocalı, Xocavənd, Ağdərə Şəhərləri Günü münasibətilə 21-22 sentyabr tarixlərində Respublika Diaqnostika Mərkəzi və onun Həmkarlar İttifaqı Komitəsinin təşkilatçılığı ilə Şuşa, Xankəndi, Ağdam və Xocalı şəhərlərinə səyahət edilib.

Təşkil olunan ikigünlük tur çərçivəsində Şuşa şəhərinin tarixi, “Güllələnmiş heykəllər”, Cıdır düzü, Şuşada Azərbaycan tarixi abidələrinə qarşı erməni vandalizmi haqqında RDM kollektivinə ətraflı məlumat verilib, görülən işlər diqqətə çatdırılıb. Əməkdaşlar, bərpa işlərinin gedişi, görməli yerlər və memarlıq abidələri ilə tanış olublar.